Міністар унутраных справаў Анатоль Куляшоў узначальвае міліцэйскую дэлегацыю, якая 17-20 студзеня будзе знаходзіцца ў францускім Ліёне, дзе месьціцца Генэральны сакратарыят Інтэрполу.
Пра гэта паведамляецца на афіцыйным сайце МУС Беларусі. Паводле гэтай жа крыніцы, асноўнай мэтай мерапрыемства стануць перамовы па праекце пагадненьня паміж Беларусьсю і Інтэрполам (міжнароднай арганізацыяй крымінальнай паліцыі).
Між тым, міністар Куляшоў знаходзіцца ў сьпісе асобаў, якім забаронены ўезд на тэрыторыю краін Эўразьвязу. Аднак у дадзеным выпадку гэтае правіла ня дзейнічае, паколькі запрашэньне міністру адаслана ад імя міжнароднай структуры.
Між тым, міністар Куляшоў знаходзіцца ў сьпісе асобаў, якім забаронены ўезд на тэрыторыю краін Эўразьвязу. Аднак у дадзеным выпадку гэтае правіла ня дзейнічае, паколькі запрашэньне міністру адаслана ад імя міжнароднай структуры.