«Сярод фігурантаў — прадстаўнік Міністэрства аховы здароўя», — адзначаецца ў афіцыйным паведамленьні.
Паводле МУС, «схему» раскрылі супрацоўнікі ГУБАЗіК.
«Цягам некалькіх гадоў разам з памагатымі жанчына забясьпечвала магчымасьці замежнай кампаніі пастаўляць у нашу краіну розныя мэдпрэпараты на мільёны рублёў. За лябіяваньне інтарэсаў бізнэсоўцаў належалі „падзякі“: грашовыя ўзнагароды, дарагія падарункі, сямейныя туры за мяжу, наведваньне забаўляльных устаноў», — паведамілі ў МУС Беларусі.
Згодна з паведамленьнем, падазраваную затрымалі адразу пасьля яе канфідэнцыйнай сустрэчы зь бізнэсоўцам, ад якога тая нібыта атрымала больш за 7 тысяч даляраў.
Цяпер крымінальную справу паводле атрыманьня хабару ў вялікім памеры вядзе Сьледчы камітэт. Жанчыну зьмясьцілі ў сьледчы ізалятар, дзе яна «дае прызнальныя паказаньні».
Агульную колькасьць фігурантаў справы не ўдакладняць. Не называюць таксама і замежную кампанію, якая пастаўляла ў Беларусь мэдычныя прэпараты.
ГЛЯДЗІЦЕ ТАКСАМА: Белстат пахваліўся лепшай, чым у Эўропе, забясьпечанасьцю лекарамі. Але ёсьць нюанс