Пра гэта гаворыцца на сайце Генпракуратуры. Заяву на такое прызнаньне падаваў сам генэральны пракурор краіны Андрэй Швед.
«Удзельнікі кабінэту на рэгулярнай аснове арганізуюць зборы грошай, закупляюць сродкі паражэньня і іншую маёмасьць у інтарэсах тэрарыстычнай арганізацыі — палка імя Кастуся Каліноўскага, тым самым яны непасрэдна фінансуюць тэрарыстычную дзейнасьць. Устаноўленыя факты датычнасьці сяброў фармаваньня і да функцыянаваньня тэрарыстычнай арганізацыі ByPol», — такую заяву Генпракуратура выпусьціла яшчэ ў красавіку.
Аб’яднаны пераходны кабінэт Беларусі быў створаны ў жніўні 2023 году. Як тады заявіла яго кіраўніца Сьвятлана Ціханоўская, адной з мэтай АПК будзе абараняць незалежнасьць і сувэрэнітэт Рэспублікі Беларусь, прадстаўляць нацыянальныя інтарэсы Беларусі. Ажыцьцявіць фактычную дэакупацыю Беларусі. А таксама распрацоўваць і выконваць рашэньні, неабходныя для дасягненьня дэмакратычных перамен у Беларусі.
ГЛЯДЗІЦЕ ТАКСАМА: Ціханоўская ў Брусэлі падпісала мэмарандум аб супрацы беларускіх дэмакратычных сілаў з дарадчым органам Эўразьвязу